دي كلمات بسيطه كتبتها وانا ما عارفه هي شعر ،خاطره، قصيده
المهم كتيتها وانا حاسه انو الدنيا كل ما تشوف اتنين بتحاول تكتب عليهم الفراق
وتخليهم يحتاروا بين الجاي والفات واتعذبوا بالاشواق
( ويفضلو محتاجين لبعضم مهما كان)
محتاجه لي حنان عيونك يشيل من عيوني الدموع
كلامك آلحانك غناويك تشفي القلب المجروح
حاسه إني غريبه والكون حولي ما مألوف
حاسه نفسي وحيده في بستان ذبلانه فيهو الزهور
محتاجه لي لحظة معاك أرجع أعاين في العيون
وما أرمش ولا لحظه وأسرح في حضنك الحنون
أنسى الدنيا وعذابه وبين إديك أنا أتوه
لحظات معاك تنسيني هموم وتعيشني دهور
وأتنمى أفضل معاك لمن أنا أموت
بس خلي حبنا لزمنا والزمن الجاي موعود
ومهما نبعد ومهما نقسي نحاول نصون الالفه في القلوب
وقت نحتاج نجري لبعضنا ونشيل من زمنا الهموم
وتشيل عني واشيل عنك وإدينا على بعضنا نكمل باقي الدروب
وانشاء الله تكون عجبتكم الكلمات دي